關於童話時裝設計比賽，已投降勿鞭打

ychashbrown

純粹發表意見，文筆差致歉，發表個人見解致歉，唔知有無混埋一堆野致歉，總之先致歉。如標題，大佬們勿鞭打。
加上想回應某關於ai同今次時裝設計比賽嘅po 同補充一下，嘗試組織一下諗法。

先感謝官方舉辦「童話時裝設計比賽」，雖然唔太理解點解改走大部分人得獎嘅生日卡活動。但比賽結果公布之後，唔少玩家對得獎作品係咪符合 “設計” 或 “創作” 提出質疑（見前一個關於是否允許使用ai...）。希望能藉此指出問題所在，並向官方提出建議，期盼得到妥當回應。

首先，我覺得可以從活動宗旨/設計定義等方面作為出發點。教育局嘅教材就提出過設計係一種 “從構思到行為、再到實現其價值的創造性過程”，參賽者應自行構想，透過創作/設計行為去達成目標（成功設計+提交時裝）。而台灣教育局嘅詞典就將設計定義為 “設想和計劃”、一種 “有目的的創作行為”。可見，玩家參加比賽時應該去自行構思及創作，並“設計”出自己嘅作品。而官方進行審核時亦須注重相關準則。而參考該大佬同其他玩家對多件得獎作品嘅分析後發現，似乎唔少得獎者純用 AI 工具gen圖，或者該作品僅留有少量繪製/親自創作嘅痕跡，相對地 比較難話係 “設計” 作品。加上，我覺得一個設計比賽 AI作品得獎係確實會係一定程度上衝擊玩家對公司、對遊戲嘅信心，同時都有可能打擊為愛發電嘅創作者/繪師嘅創作動力，加劇谷谷宜家可能面臨緊嘅問題/情況，畢竟之前都已經發生過唔少類似問題（雖然我無參與當年生日卡活動，但聽聞好似有 一啲幾特別嘅狀況）。

所以我就想借此簡單提出部分建議，都歡迎大家or相關人員進行補充、討論。

1. 官方可以網上畫廊形式 公開參賽作品
設置 “網上畫廊” 除了能供玩家觀賞，更能玩家群眾共同監督，有助避免ai作品得獎，影響玩家利益。
（除非除非，谷谷話ai作品參賽 完全無問題，咁就無事了。但開得呢個po，都係已經以 應避免參賽者以AI gen作品參賽。當然，以AI作為輔助工具屬於咩情況就交比其他人討論了）

2. 應要求參賽者向官方提供創作過程或自證檔案
官方可視乎參賽作品的情況（如電繪/手繪），要求得獎者提供完整的作畫過程或圖層檔案，比審評團隊參考同分析。
e.g. 電繪 → 提供作畫過程/圖層資訊，如無記錯的話 csp可以錄到你作畫過程，就算無都可以比到拆解圖/圖層比人睇的。（補充下 拆解圖/解釋 唔係純粹將幅圖crop出黎/放大放細就算，更何況有部分crop出黎嘅 同原本畫嘅完全唔一樣點算好，有少少錯漏/作畫失誤/可能存在嘅實力or基礎不足 (話緊自己 唔好對號入座) 就當然大家都明嘅）
or 手繪 → 多角度+無任何剪接錄像，證明係本人創作/繪製等。



3. 重新審查並延後頒獎
建議官方暫緩頒獎，納入玩家建議，並依據更加明確嘅審核標準，確認最終得獎名單。呢個就唔使特別講，畢竟官方都話 “請於獎項派發時提出。”梗係先講出黎。


Anyway，雖然已經禮拜六日非辦公日，請谷谷認真考慮以上問題同建議，並儘快作出回應。亦都希望今次 “童話時裝設計比賽” 可以公平公正，完滿結束，迎接good/normal ending，更希望官方日後舉辦創作活動時，認真考慮活動準則，確保活動順利完成。十分萬分感謝大家睇我呢種small potato發言。

別忘了我

先提示一下，簽名的部分記得放上代碼，才可以正常顯示你要的圖片。
小蜜蜂盡快審核到你的文章了。

你說的確實是釜底抽薪的方法。
無論電繪、手繪，其實參賽者都可以全程直播自己創作的過程。
作品上的一筆一畫都是自己親手打磨的，每一位觀眾都是見證人！

雖然小蜜蜂本身是個藝術外行人，但我也清楚這一次的創作比賽，非常不公開透明。

淡生杯拿鐵

Ching好認真咁講 我淨識認真咁屌

Hakaka

記得以前跑壇有創作區，專for俾啲繪手文手拍片仔同P圖大師喺入面創作
唔知呢個跑壇可唔可以都開返個，順便放啲投稿咗但無上榜嘅作品俾大家睇吓都好！

別忘了我

感謝提醒，我之後再研究怎麽用，好久沒碰論壇了

小蜜蜂補充一下。
具體是這樣子的
[i mg]圖片連結[/i mg]

比方說呢，我要引用圖片連結在簽名。
那就會是長這個樣子。

[im g]https://i.imgur.com/DO9Po3I.jpeg[/i mg]

只要把空格去掉...就可以正常顯示了，也就是我做的這樣子。


小蜜蜂相信這樣的說明，ychashbrown就明白個人簽名該如何正確放上圖片了。

adrain886

據稱官方都用AI整背景同配更新預告
過往畫圖活動又係用AI都拎到獎
點會覺得禁止AI參賽 呢樣已經係默許咗

水原千鶴

咁講 跑任何活動表面上是鬥實力 但實際上只要找到規則漏洞 你可以有很大得益

如果再辦設計比賽 挺肯定只會愈來愈不合時宜

過去設計類活動可以請槍 現在應該連請槍的錢都省下

今年有GPT5 thinking 明年ai再進化 可能gpt 6 將來ai只會愈來愈強

現在不再是鬥實力 是鬥那一個人對AI更了解

一失足成千古恨

樓上都講咗官方自己都會用AI
佢要AI設計 自己gen十萬張都得 玩家幫佢gen嘅意義係？
充其量只能反映「玩家嘅喜好概念」而唔係「玩家的設計」
鬥邊個AI gen得靚？AI比賽？
鬥AI靚唔需要喺跑online度到做

比個極端例子
假設承認AI圖
下屆繪畫/設計比賽be like:
200人參加 X 每人gen10張(10個ac) = 要審2000張圖
官方你自己諗下點審

人手畫同AI係兩個技術黎 唔可以同組

水原千鶴

一失足成千古恨 發表於 2025-9-27 03:25
樓上都講咗官方自己都會用AI
佢要AI設計 自己gen十萬張都得 玩家幫佢gen嘅意義係？
充其量只能反映「玩家嘅 ...

如果只容許人手畫點睇
但應該會輪到用開電繪既朋友會嘈 除非佢地支持

或者back to basic
填色比賽(要人手wor)

adrain886

一失足成千古恨 發表於 2025-9-27 03:25
樓上都講咗官方自己都會用AI
佢要AI設計 自己gen十萬張都得 玩家幫佢gen嘅意義係？
充其量只能反映「玩家嘅 ...

意義咪idea 有人幫佢gen完先睇好過自己gen完仲要睇

要審2000張圖又點 辦公時間慢慢睇都仲得
睇唔曬咪延後1星期先公佈 再睇唔曬再延後多1星期