我係放浪者口口

waveman

最近睇到好多人討論用AI參加時裝設計比賽一事，特登開個跑壇ac發表下自己睇法。

我認爲引發今次爭議係在於活動規則不完善，根據官方活動頁面提供的資訊，活動只列出了參賽提交作品的規格，並沒有列明或限制參加者必須使用的工具（如紙本/電繪/AI等）創作參賽作品。就活動頁面上字面規則而言，即使使用AI參賽亦沒有違反活動規則。

當然好多聲音都話使用AI對其他參賽者唔公平，我嘅睇法係AI只係一個工具，任何人參加者都有使用嘅權利。

舉一個貼地啲嘅例子，DSE數學考試，考生A係計數機入咗program，考生B冇入到，對於考生B係唔係不公平？但事實上考生B同樣有權利係佢部計數機入program。

有啲人話用AI冇技巧，冇技術可言。但用AI其實都係需要技巧，只不過用嘅唔係傳統繪畫技巧。外國有一種職業叫詠唱工程師 (Prompt Engineer)，都係需要運用想像力同技術性語言進行創作，引導AI生成想像中嘅畫面，並唔係隨便一句prompt就可以生成到一幅作品。

所以事件關鍵在於活動規則存在灰色地帶。話雖如此，現實啲咁講，即使列明禁止AI，在執行層面上也難以界定哪些作品使用了AI，對評審人員嚟講難有一條清晰界線定義何謂AI作品，靚嘅作品可以係手繪，樣衰嘅作品都可以係AI。

一啲同官方講嘅睇法，日後舉辦同類活動應考慮科技發展，唔好照copy前人嘅idea，科技日新月異，一啲以前work嘅活動放係而家可能有新嘅問題。
對於今次嘅活動規則上不清晰導致嘅爭議，可以考慮補償所有參賽者乖寶寶券，相信大部分參賽者都會接受

水原千鶴

活動規則不完善令參加者搵到灰色位 搵到嬴大量得益 我諗都係過去呢幾年嬴活動嬴獎品既formula

2023年生日卡 洗票formula+未成熟AI既冒起
2024年 可能有AI圖但冇人知 咩youtube片比賽 炒冷飯 拎舊片重新upload扮新片搏拎獎 大有人在
2025年今次 AI當道

都係咁講 下年再有活動 只會AI再進化
你講起數學DSE呢樣野
你拎grok 3/GPT 3/4 做數學MC 佢都係岩得22-30條 但一年間 GPT 5 Thinking已經做到 41-44/45 = 5** 再下一年再搞呢類活動 ai進化只會愈來愈強

寫作類detect AI 印象中GPT 5岩岩出個陣 zerogpt都detect唔到

好奇你會唔會係按AI比既feedback 再扣題再叫AI執圖 我唔知你會唔會本身睇穿左官方可能用AI比分呢一點 另一樣野 有另一位參加者上左水表示同意重審 唔知你又點睇

因為你留言要人批 你直接點評我啦 唔洗人批

waveman

水原千鶴 發表於 2025-9-29 19:47
活動規則不完善令參加者搵到灰色位 搵到嬴大量得益 我諗都係過去呢幾年嬴活動嬴獎品既formula

2023年生日 ...

就我對現有活動規則解讀,這次活動為“童話時裝設計比賽”,活動重點應在於“設計”是否能符合活動主題(即神話系列),重點並不在使用什麼工具創作服飾設計.我認為只要符合活動主題的作品就可以有參賽資格

淡生杯拿鐵

有啲人話用AI冇技巧，冇技術可言。但用AI其實都係需要技巧，只不過用嘅唔係傳統繪畫技巧。外國有一種職業叫詠唱工程師 (Prompt Engineer)，都係需要運用想像力同技術性語言進行創作，引導AI生成想像中嘅畫面，並唔係隨便一句prompt就可以生成到一幅作品。

你當我地班jur住用AI既唔識呢味咩，未用過都望過人地用啦
d代碼咒語係你親自寫? 係你親自試? 咪又copy人地打好既抄功課 仲有個AI源圖庫係你畫的嗎? 個圖庫原圖都係人類畫師自己畫，唔屬於你




點解我地會咁執著屌AI圖? 因為AI圖既「創作」係冇靈魂，佢地只係經過訓練拼湊出黎既像素
執著屌AI係因為用AI既人有90%都係完全0想法、0設計、0靈感來源(純是但R d元素gen圖唔算ok?)
如果你咁堅持你有參與創作到，請問你張圖當初整既想法係? 靈感來源係? 你預期/希望此服裝穿著既角色係? 同主題 - 神話既關係係? 點解要咁畫d配飾? 唔比看圖說故事

創作就係要有想法，你如果單純copy代碼當創作真係同抄人論文純copy人地寫既野但最後前文不搭後理一樣毫無邏輯，可笑


同埋想請教一句，AI創作係無著作權，姐係係公家，你有咩證明張圖係屬於你，你擁有張圖既所有權?


補充多少少:
當初點解會咁多人抵制AI? 因為佢地係偷人地圖偷人地心血整既圖，無徵得畫師同意，係屬於盜竊行為，所以先咁多人憎
你估係因為unun腳生圖贏過人類先嬲? 係因為佢地偷緊人地心血啊

Asymmetry

我係中東佬

freedom210

我係火影忍者

waveman

淡生杯拿鐵 發表於 2025-9-29 20:37
你當我地班jur住用AI既唔識呢味咩，未用過都望過人地用啦
d代碼咒語係你親自寫? 係你親自試? 咪又copy人地 ...

根據活動網頁內容,今次活動係“童話時裝設計比賽”,當中官方大獎獎項中亦有提及評審是按主題設計或色彩風格為基準. 活動著重設計是否符合主題,並不是創作途徑或過程.而我嘅創作主題和靈感簡介可以係官方活動頁面睇到.

你亦提及AI創作沒有著作權,正因如此AI創作完全能符合官方活動所訂明“參與作品版權歸戲谷所有”,戲谷使用該作品並不需要再向第三方考慮版權事宜

極惡的縮縮

我係分身佬

恰恰恰恰叉滴

你都識講AI生成係靠指令輸入吟唱咒語而唔係靠手用筆畫出黎
AI繪圖係採用網絡大數據，而其中亦都包含啲未經許可同未授權嘅作品
講人話就係偷唔同繪師嘅作品風格黎畫，所以張圖根本就唔係你畫，你創作嘅作品並唔歸你
咁獎勵係咪唔需要派發俾你?

或者咁講，就好似繪圖委託咁，你只係委託AI幫你畫畫，提出委託資料同需求俾AI，AI按照你嘅需求幫你畫完張圖
即使你有呢張圖嘅使用權，但其實最終張圖嘅唔會係你嘅咁樣，除非你買斷orAI讓出著作權，但問題係AI係無著作權
所以張圖是大家的（？？？）

雖然官方無列明禁止AI，但網站入面有講「動動手設計角色神話服」
相信大部分人見到嘅「動動手設計」應該係動手揸起支筆開始畫，而唔係動手打鍵盤輸入指令咁畫囉...
責任全在谷谷，但踩灰色地帶用AI都要預咗會有人屌

另外做數學題部計數機都係輔助你幫你計答案，個答案最後都係要你手寫架
長答題要寫埋詳細公式步驟，唔通計數機會幫你做埋成份卷咩，到最後都係要靠自己

Hakaka

係你地太蠢唔識用AI生成作品參賽
罵到我了刪掉