每天都要上線買日修，長玩玩家變成遊戲月光族．

kiyeungg

其實官方可唔可以重視一下魔修的問題？
我知道以前因為玩家必須課金復裝先玩到遊戲，導致越嚟越多玩家唔想課金，最後玩家人數下滑。為咗解決呢個問題，你哋好貼心推出咗一日魔修，俗稱日修。係，日修的確令到玩家以後唔使課金都可以玩到遊戲。

但問題係，日修只係應付到短期回流玩家嘅需求，因為佢哋可能只係放假先得閒上線玩幾日，日修對佢哋嚟講可能已經綽綽有餘。但對於長玩嘅玩家嚟講，日修根本唔友善。

點解咁講呢？
其實各區伺服器早就可以用TR買大魔修（30日），但偏偏港跑就得日修，仲要每日限買一次，真係夠膽死！

假設我岩岩回流，係打算長玩嘅。咁我之前啲裝爆哂啦，第一日買咗日修，砌返套裝，好開心玩咗一日；但第二日上線，又見啲裝爆哂，又要去買日修，再重新砌過套裝。咁我都決心返嚟玩，唔通叫自己忍住幾日唔玩，儲夠貨先再開始玩？

仲有，玩得high嘅時候，成日會唔記得買日修，結果第二日又要儲夠貨先可以繼續玩。咁樣根本好折騰，對長玩玩家真係好唔方便。

其實解決方法好簡單。
我舉個例子：呢隻game係靠裝備玩，呢個係人都知道嘅，就好似每日都要食飯一樣。我知道自己一日要食三餐，咁我朝早去買餸煮飯，梗係買齊三餐啦！唔通中午肚餓又再出去買餸？夜晚又再落去買餸？

日修都應該一樣，要比玩家可以一次過買齊。知道自己玩幾耐，就買幾多，而唔係日日上線浪費時間去買日修。就好似買餸，來回都要時間嘅，你哋明唔明？


最後想講返，呢個問題我兩年前已經send過email畀你哋，但當時冇咩下文。
今次見你哋咁積極反應，希望你哋可以盡快修復呢個問題！

funtowntest

日修可以改番以前既4日錘，一錘4日咪仲好

官方管理員2號

我可以這樣理解嗎?

你想免費提供的修理道具時期長一點~
及每天限量這件事鬆一點~
對嗎?^^

黑谷趁地淋

釣魚換依個箱有一日修

tszchun0915

冇可能一天限購修復一日槌子 日日爆裝 又冇時裝儲存槽  又冇得記抵先前用嘅時裝 / 時裝去公園染色 我的房間又冇得篩選標記搵返 加個班出個trip同frd去通頂一個旅行 無啦啦就要重新整過啲裝

ub_psycho

Last Chaos 第3彈

這次維護和以後的維護中，維護後所有裝備的耐久度和所有寵物的飽食度都會回復到100%（30日／720小時）

可否比少少耐性

ryancnt

官方管理員2號 發表於 2025-1-17 16:34
我可以這樣理解嗎?

你想免費提供的修理道具時期長一點~

日修太煩
不如每月出 1個月修+1個日修好過
好似復寵咁玩法
保証修到31日又唔洗日日入店咁煩